ഓര്‍മ ശക്തി വര്‍ധിപ്പിക്കാന്‍
മുഷ്ടി ചുരട്ടിയാല്‍ മതിയെന്ന്‌ യു.എസി.ലെ ശാസ്‌ത്രജ്ഞര്‍. ഇക്കാര്യം പരീക്ഷിച്ച്‌ നോക്കി സംശയം തീര്‍ക്കാമെന്നാണ്‌ ഗവേഷകര്‍ പറയുന്നത്‌. ഒരു
ഫിംഗര്‍ ബോള്‍ ഉപയോഗിച്ച്‌ ഈ വിദ്യ തെളിയിക്കാം. വലതു കൈയില്‍ ബോള്‍ അമര്‍ത്തുന്ന സമയത്ത്‌
കാര്യങ്ങള്‍ ഗ്രഹിക്കാന്‍ എളുപ്പമാണ്‌. അതായത്‌ ചെറു ലിസ്‌റ്റുകള്‍ മനസ്സില്‍
പതിപ്പിക്കാന്‍ ഇത്‌ സഹായിക്കും. അതേസമയം, ലിസ്‌റ്റിലെ
ഇനങ്ങള്‍ ഓര്‍ത്തെടുക്കുന്ന സമയത്ത്‌ ബോള്‍ ഇടതു കൈയിലാക്കി അമര്‍ത്തുന്നത്‌ സഹായമാവുമെന്നും
ഗവേഷകര്‍ പറയുന്നു.വസ്‌തുതകള്‍
ഗ്രഹിക്കുന്നതിനും ഓര്‍ത്തെടുക്കുന്നതിനുമുളള തലച്ചോറിന്റെ ഭാഗങ്ങളെ മുഷ്‌ടിചുരുട്ടല്‍
ഉത്തേജിപ്പിക്കുന്നതാണ്‌ ഇതിനു പിന്നിലെ ശാസ്‌ത്രീയത.
72 വാക്കുകളുളള ഒരു ഷോപ്പിംഗ്‌ ലിസ്‌റ്റ് നല്‍കിയാണ്‌ ഗവേഷകര്‍ ഓര്‍മശക്‌തി വര്‍ധിപ്പിക്കുന്നത്‌ സംബന്ധിച്ച പരീക്ഷണം നടത്തിയത്‌. പരീക്ഷണത്തില്‍ പങ്കാളികളായ ഒരു വിഭാഗത്തിനെ ലിസ്‌റ്റ് വായിക്കുമ്പോഴും ഓര്‍ക്കുമ്പോഴും ഒരേ കൈയില്‍ ബോള്‍ അമര്‍ത്താന്‍ അനുവദിച്ചു. ബോള്‍ വലതു കൈയിലും ഇടതു കൈയിലും മാറിമാറി അമര്‍ത്താന്‍ മറ്റൊരു വിഭാഗത്തെ അനുവദിച്ചു. അതേസമയം ഒരു വിഭാഗത്തിനെ ബോള്‍ അമര്‍ത്താനേ അനുവദിച്ചില്ല.വായിക്കുമ്പോള്‍ വലതു കൈ ഉപയോഗിച്ചും ഓര്‍ക്കുമ്പോള്‍ ഇടതു കൈ ഉപയോഗിച്ചും ബോള്‍ അമര്‍ത്തിയവരാണ്‌ ലിസ്‌റ്റിലെ കൂടുതല്‍ ഇനങ്ങള്‍ ഓര്‍ത്തെടുത്തത്‌. എന്നാല്‍, ബോള്‍ ഉപയോഗിക്കാതിരുന്നവര്‍ക്ക്‌ പരീക്ഷണത്തില്‍ പങ്കാളികളായ മറ്റെല്ലാ വിഭാഗങ്ങളെക്കാളും കുറവ്‌ ഇനങ്ങള്‍ മാത്രമാണ്‌ ഓര്‍ത്തെടുക്കാന്‍ കഴിഞ്ഞത്‌.
No comments:
Post a Comment